Colaboración con Outras Fundacións

O embrión do que se materializaría como a Fundación Jorge Jove leva colaborando con institucións de todo tipo, públicas e privadas, desde que o seu fundador, Ángel Jove Capellán, deu a coñecer na revista Círculo de Dirigentes en 1999 a intención de crear unha fundación ou museo co nome de Jorge Jove, o seu fillo falecido un ano antes.

As primeiras colaboracións desenvolvéronse no ámbito nacional e internacional e foron en criterios expositivos e museísticos, valoracións patrimoniais, de organización e realización de todo tipo de eventos.

A formación e experiencia acumuladas permitiulle á fundación comezar a organizar e potenciar en Galicia eventos ata a data non habituais na nosa comunidade, tales como debates, charlas, concursos (de elegancia, orientación, gastronómicos, fotográficos etc.), rallys de orientación, de regularidade histórica etc.

A Fundación Jorge Jove está aberta a colaboracións para o desenvolvemento de accións cuxas finalidades coincidan cos seus estatutos e fins fundacionais.

A Fundación dos Ferrocarrís de Galicia e a Fundación do Campo Galego son, sen lugar a dúbida, as dúas colaboracións nas que investimos ata a data con máis tempo e medios.

Colaboración coa Fundación dos Ferrocarrís de Galicia

Coa colaboración de Luis Blanco, secretario da Fundación dos Ferrocarrís de Galicia e director de o  MUFERGA (Museo do Ferrocarril de Galicia), desenvolveuse o plan museolóxico do Museo do Ferrocarril de Galicia. Neste plan museístico, a partir das instalacións existentes, realízase un proxecto a medio e longo prazo. Unha vez terminado, sen dúbida, converterase nun referente no ámbito nacional e internacional.

A implicación coa Fundación dos Ferrocarrís foi na realización do plan, a implantación inicial e a cesión dunha mínima parte do material exposto, e a Fundación Jorge Jove quedou aberta a futuras cooperacións en canto criterios expositivos, cesión material expositivo e todo tipo de colaboracións nos que coincidan os fins fundacionais de ambas as fundacións.

Colaboración coa Fundación do Campo Galego

AGAMAC, Asociación Gallega de Maquinaria Agraria Clásica, tiña a ilusión de crear un Museo do Campo en Galicia. Sendo Manuel Iglesias presidente de AGAMAC, comezouse a visualizar a necesidade dun ente para contribuír ao desenvolvemento do rural galego e mostrar a súa historia, cultura e valor ecolóxico. Isto levou á constitución da Fundación do Campo Galego da cal a Fundación Jorge Jove xunto con ABANCA foron patróns fundadores. O seguinte paso, coa estreita colaboración de Manuel Iglesias, foi a realización e materialización do proxecto do Museo do Campo Galego. A colaboración de Manuel Iglesias e Carlos Latas, actual presidente de AGAMAC, foron determinantes para a materialización do museo.

A Fundación Jorge Jove implicouse na realización do proxecto museístico, a materialización do proxecto e colaborou coa doazón e cesión dunha gran parte do material exposto, así como na dirección da fundación ata a inauguración do museo.

A Fundación Jorge Jove está aberta a futuras cooperacións en canto a criterios expositivos, cesión material expositivo e todo tipo de colaboracións nos que coincidan os fins fundacionais de ambas as fundacións.